家長每朝早都自動成為孩子的人肉鬧鐘，叫醒佢起身返學，我認為這做法是有問題！
起身返學係孩子自理的一部份，家長要在適當的時候訓練孩子自己較鬧鐘起床，當孩子讀小學，掌握了時間觀念，就可以訓練佢㗎喇！
首先，家長要克服擔心孩子遲到上學的負面心理，你要有訓練孩子長遠獨立的目光，並相信孩子遲早會學識，即使開初的時候，佢可能會遲到，但應藉此讓孩子吸取教訓，從錯誤中學習。
接著，你要話俾小朋友聽，佢已經大個仔，佢要學識自己照顧自己。你可以跟他一起去選一個漂亮的鬧鐘，然後教他怎樣調好時間。
而最重要就是要預鬆時間，預先講解起床梳洗、食早餐、著衫所需時間，令他知道為什麼在這個時間鬧鐘就要響。
如果孩子做得到，你就要鼓勵佢。你要有鬧鐘響，孩子都不願起身的準備，到時你就要同佢傾下偈，看看哪方面要作出調適。
我相信，在你悉心、有耐性的指導下，孩子一定可以做得到！
你係咪用錯方法教錯仔？
コメント